+30 °С
Болотло
Общие статьи
18 Ноябрь 2021, 06:48
Коронавирусты кисергәндәр диспансерлаштырыу үтә ала
Сирҙе еңел һәм билдәләрһеҙ үткәргән осраҡта ла, организмда кире үҙгәрештәр башланыуы ихтимал.
Коронавирусты кисергәндәр диспансерлаштырыу үтә ала
Ковидты кисергән Башҡортостан халҡы диспансерлаштырыу үтеү мөмкинлегенә эйә. Ул ике этапта уҙа һәм үҙ эсенә төрлө тикшереүҙәрҙе ала. Республикала тәүгеһен – 20 161, икенсеһен 1 741 кеше үткән.
Ныҡлап уҙғарылған диспансерлаштырыу яңы коронавирус инфекцияһын кисергән кешеләрҙә хәүефле билдәләрҙе асыҡлау өсөн кәрәк. Элек тикшеренеүҙәрҙең ҡайһы берҙәре диспансерлаштырыу исемлегендә юҡ ине. Улар – спирометрия, үпкә томографияһы, йөрәк һәм ҡан тамырҙары ультратауышы, тромбоздар хәүефен билдәләү. Иғтибар үҙәгендә – йөрәк-ҡан тамырҙары һәм тын алыу системалары торошо.
Диспансерлаштырыу теркәлгән урын буйынса медицина учреждениеларында үткәрелә, телефон аша йәки поликлиникаға барып яҙылырға мөмкин.
Бөтә донъя һаулыҡ һаҡлау ойошмаһы мәғлүмәттәре буйынса, коронавирус кисергән һәр ун кешенең береһе төрлө ауыртыуҙарҙан яфаланыуын дауам итә. Хатта сирҙе еңел һәм билдәләрһеҙ үткәргән осраҡта ла, организмда кире үҙгәрештәр башланыуы ихтимал.
Беҙҙең кәңәш: сир эҙемтәләре башланыуын көтмәҫкә, диспансерлаштырыуға яҙылырға кәрәк.
Өҫтәмә белешмә - карточкаларҙа.
Фото: Башҡортостан Республикаға идара итеү үҙәге.
Коронавирусты кисергәндәр диспансерлаштырыу үтә ала
