“Ауылым урамдары буйлап”

Китапханасылар Иҫке Балтас ауылының бөйөк шәхестәр исемен йөрөткән урамдарында видео төшөрөп, “Бәйләнештә” һәм “Инстаграм” селтәрҙәрендәге төркөм биттәренә урынлаштыра. Әлеге ваҡытта Ғабдулла Ғәлиев-Батырша, Салауат, Зәйнәб Биишева, Һәҙиә Дәүләтшина, Гагарин һәм Фрунзе урамдарынан видеомәғлүмәт әҙерләнде.
— Райондаштарға бөйөк шәхестәребеҙ һәм ауыл тураһында мәғлүмәт ҡыҙыҡлы булыр, видеоларҙы күргәс, ауылдаштарҙың тыуған ауыл урамдарына ҡарата мөнәсәбәте үҙгәрер, ғорурлыҡ хистәре тыуыр, ҡапҡа алдарын матурлап, йыйыштырып тотоу теләге уяныр, — ти китапханасылар. Бәлки, урамдарҙың тарихын өйрәнеүгә балтастар ҙа үҙ өлөшөн индерер, белгән мәғлүмәт менән комментарийҙарҙа уртаҡлашыр, тигән өмөт бар.

Гөлнара Шәймөхәмәтова.