Тантанаға йыйылыусылар алдында Асҡын районы хакимиәте башлығы Динис Рәдис улы Йосопов сығыш яһаны.
«Был байрам Тыуған илгә булған һөйөүебеҙҙе, Ватаныбыҙ бойондороҡһоҙлоғон һаҡлап ҡалған ата-бабаларыбыҙ өсөн ғорурлыҡты кәүҙәләндерә, Рәсәй дәүләте ҡеүәтенең символы булып тора. Халҡыбыҙ иң ауыр һынауҙарҙы ла, берҙәмлек, батырлыҡ һәм илһөйәрлек күрһәтеп, еңеп килгән. Халыҡтар берҙәмлеге – беҙҙең көсөбөҙ! Бөйөк Ватан һуғышындағы Еңеүҙең дә тап берҙәмлек көсө менән яуланғаны һәр беребеҙгә билдәле.
Киләсәктә лә тыуған республикабыҙ һәм районыбыҙ тотороҡло үҫеш, милләт-ара һәм конфессия-ара татыулыҡ өлгөһө булһын!
Халыҡтар берҙәмлеге көнө оло әһәмиәткә эйә, ул дуҫлыҡҡа өндәй, йәштәрҙе илһөйәрлек һәм гражданлыҡ рухында тәрбиәләй, быуындар бәйләнешен нығыта”, - тине Динис Рәдис улы.
Наилә Имаева.