Башҡортостан Журналистар союзы Рәсәйҙең иң яҡшы өс төбәк ойошмаһы иҫәбенә инде. Ошо айҡанлы уның рәйесе Вәдүт Исхаҡовты Рәсәй Журналистар союзы рәйесе Владимир Соловьёв шәхсән ҡотланы.

Башҡортостан матбуғаты бер нисә йыл инде гранттар буйынса эшмәкәрлектә лә алдынғы урынды биләй. Урындағы бүлексәләр эшмәкәрлегенә йомғаҡ әлеге мәлдә Сочи ҡалаһында барған XXV "Бөтә Рәсәй-2021" заман журналистикаһы форумы сиктәрендә яһалды.
Форумдың икенсе көнөндә республикабыҙ делегацияһы көнүҙәк темаларға арналған дискуссияларҙа ҡатнашты. Унда "Артмедиаобразование" ойошмаһы етәксеһе Арина Шарапова, Һанлы үҫеш министрлығының департамент директоры Светлана Дзюбинская, блогер Андрей Бунбич сығыш яһаны.

#ФорумВсяРоссия-2021 #ВсяРоссия-2021Башкортостан #ВсяРоссия-2021БашСМИ