Ял итеү урыны «Урындағы башланғыстарҙы яҡлау программаһы»н тормошҡа ашырыу һөҙөмтәһендә барлыҡҡа килде. Сараға йыйылған кешеләрҙе Яңы Муллаҡай ауыл Советы биләмәһе башлығы Вячеслав Кальсин ҡотланы һәм проектты тормошҡа ашырыуҙа әүҙем ҡатнашҡан өсөн инициатив төркөмгә һәм подрядсы шәхси эшҡыуар И.М.Несмеяновҡа Рәхмәт хаттарын тапшырҙы. Планлаштырылған эштәр сиктәрендә урам тренажерҙары, ошо иҫәптән һаҡлау япмаһын һәм тышҡа яҡтыртыуҙы эшләп ҡуйыу өсөн территория әҙерләнде. Эшҡыуар И.Несмеянов етәкселегендәге бригада эштәрҙе ваҡытында һәм сифатлы итеп башҡарҙы.
Люция Карамова.