Бөрө ҡалаһында Ғаилә, мөхәббәт һәм тоғролоҡ көнөнә арналған ҙур фестиваль уҙғарыла.
8 июлдә Бөрө ҡалаһындағы Изге Троицк кафедраль соборы майҙанында Ғаилә, мөхәббәт һәм тоғролоҡ көнөнә арналған күркәм фестиваль үтәсәк.
Байрам төшкө сәғәт өстә майҙанда халыҡ күңел асыуҙары, йәрминкәләр, гастро-фестиваль менән башлана.
Киске сәғәт биштә байрам концертында эстрада йондоҙҙары сығыш яһаясаҡ. Шулай уҡ оҙаҡ йылдар никахта торған һәм лайыҡлы балалар үҫтергән ғаиләләрҙе тәбрикләү, наградалар һәм бүләктәр тапшырыу тантаналары үтәсәк. Сара ҡунаҡтары – танылған Рәсәй йырсылары Наталья Сенчукова менән Виктор Рыбин. Ҡала буйынса экскурсиялар ойоштороу күҙаллана.
Фото: "Башинформ"дан.