Уңғандар, йүнселдәр

Уңған хужа менән хужабикә ике ай эсендә 13 өйрәкте ҡарап,  һимерткән.

- Ләйсән Хәмитова, Әлфидә Ғафурова, Фәнүдә Ғәлиеваны саҡырып, өмә ойоштороп, 13 өйрәкте тиҙ арала эшкәртеп ҡуйҙыҡ. Рәхмәт уңған хужабикәләргә, - ти Йәүһәриә апай ҡыуанып.

Йәүһәриә апай менән Рифҡәт ағайҙың ҡулдарынан килмәгән эше юҡ. Рифҡәт ағай үҙ ҡулдары менән беседка, теплица ла эшләп ҡуйған. Баҡсаларында йәшелсә-емеш мул уңыш бирә, ихатала һәм өйҙәрендә береһенән-береһе матурыраҡ сәскәләр, гөлдәр үҫә.

Матурлыҡҡа ғашиҡ Йәүһәриә апай йыр-бейеүгә оҫта булһа, Рифҡәт ағай өҙҙөрөп гармунда уйнай. Улар Тусыбай ауыл мәҙәниәт йорто эргәһендә эшләп килгән “Ҡоҙағыйҙар” фольклор ансамбленең әүҙем ҡатнашыусылары.

Миләүшә Ҡасимова.