Көндәрҙең эҫе тороуы кеше сәләмәтлегенә генә түгел, мөлкәтенә лә зыян килтерә: янғын сығыу хәүефе артҡандан-арта. “Осҡон” гәзитенең социаль селтәрҙәге сәхифәһендә хәбәр ителеүенсә, Әбйәлил районының Хәмит ауылындағы янғын сыға. Урында 61-сы янғын һағы хеҙмәткәрҙәре эшләй. Дүрт өй әрәм була. Ярай әле, үҙҙәре иҫән ҡала.
Ҡыҙғанысҡа ҡаршы, уттан бер нәмә лә ҡалмай. Уның менән һаҡ булығыҙ, балаларға ла шырпы-ут менән шаярырға юл ҡуймағыҙ. Үҙегеҙҙе, яҡындарығыҙҙы һәм мөлкәтегеҙҙе “ҡыҙыл әтәс”тән һаҡлағыҙ!
Фотолар: “Осҡон” гәзите.
https://bashgazet.ru/articles/kh-ef-e-lek/2023-07-10/d-rt-yort-yanyp-b-tk-n-3334705