Иртәндән тағы ла ҡайғылы хәбәр...

Башҡортостандың ЮХХДИ идаралығынан хәбәр итеүҙәренсә, бөгөн таңғы сәғәт 5-тә Өфө – Ырымбур федераль трассаһының 196-сы саҡрымында юл-транспорт фажиғәһе теркәлгән. “Ford Focus” менән ҡаршы килгән “Лада Ларгус” бәрелешкән.

Аварияла ике автомобилдең дә водителдәре һәм “Лада Ларгус”тағы бер пассажир “Ашығыс ярҙам” килгәнсе үк йән биргән. Шулай уҡ “Лада Ларгус”тағы өс пассажир дауаханаға оҙатылған.

Ваҡиға урынында тәфтиш-оператив төркөм эшләй. Шулай уҡ республика ЮХХДИ идаралығы етәкселеге лә авария урынына сыҡҡан.

Үҙегеҙҙе һаҡлағыҙ һәм юл хәрәкәте ҡағиҙәләрен боҙмағыҙ. Юл хатаны, яуапһыҙлыҡты ғәфү итмәй.

Фото: Башҡортостан ЮХХДИ-һы видеоһынан скриншот.