1 майҙан пенсионерҙарҙың айырым категорияларына пенсияның артыуы көтөлә

1 майҙан пенсионерҙарҙың айырым категорияларына түләүҙәр суммаһы арттырыла. Был хаҡта «Прайм» агентлығына Г.В. Плеханов исемендәге Рәсәй иҡтисад университетының дәүләт һәм муниципаль финанстар кафедраһы профессоры Юлиә Финогенова һөйләне.

80 йәше тулған граждандарға пенсия ике тапҡыр индексациялана - улар айына 15 134 һум аласаҡ.

Шулай уҡ, Рәсәй Социаль фонды мәғлүмәттәре буйынса, зарарлы һәм ауыр хеҙмәт шарттарына бәйле граждандар авиацияһының осоу экипаждары белгестәре һәм күмер сәнәғәте хеҙмәткәрҙәре өҫтәмә аҡса аласаҡ. Өҫтәмәнең суммаһы, уртаса айлыҡ эш хаҡын һәм стаж оҙайлығын иҫәпкә алып, индивидуаль тәртиптә билдәләнә.

Пенсионерҙарға түләүҙәр күләме йылына дүрт тапҡыр ҡайтанан ҡарала - 1 февралдә, 1 майҙа, 1 августа һәм 1 ноябрҙә.

Бынан тыш, Финогенова билдәләүенсә, Бөйөк Ватан һуғышында Еңеүҙең 78 йыллығына инвалидтарға һәм ветерандарға 10 мең һум аҡса түләнә. Мәскәүҙә йәшәгән Бөйөк Ватан һуғышының айырым ҡатнашыусыларына 25 мең, 15 мең йәки 10 мең һум күләмендә бер тапҡыр бирелә торған матди ярҙам тәғәйенләнәсәк.