Миләш күп булһа...

Халҡыбыҙҙа көҙҙөң икенсе айы тураһында ниндәй һынамыштар бар?

* Октябрь – ни арба, ни сана.

* Октябрь япмаһа, декабрь япмаҫ.

* 1 октябрҙә торналар китмәһә, ноябргә тиклем һыуыҡтар булмаясаҡ.

* 1 октябрҙә ел көнө буйы төньяҡтан иҫһә, ҡыш һалҡын килер, көньяҡтан икән, йылы булыр һәм киләһе йылда ашлыҡ уңыр.

* 8 октябрь тәүге ҡар еүеш ергә төшһә, иремәй ҡаласаҡ, ҡоро ергә төшһә – тиҙ иреп бөтәсәк.

* Йылы октябрь - һалҡын ҡышҡа.

* Октябрь башында ҡайынға ҡарағыҙ: япраҡтары әле ҡойолмаған булһа, ҡар һуң ятыр.

* Ҡыр ҡаҙҙары иртә китһә, ҡыш иртә килер.

* Ҡарлуғас йылы яҡҡа иртә китһә, ҡыш һыуыҡ һәм оҙаҡ булыр.

* Урманда миләш күп икән, көҙ ямғырлы, кире осраҡта ҡоро булыр.

* 1 октябргә тиклем ҡар күҙе төшһә, сана юлы тиҙ булмаҫ.

* Көҙ ҡуяндар бер эҙҙән йөрөһә, ҡыш ҡар күп булыр.