Телеңде йоторлоҡ бәлеш

Бөгөн беҙ һеҙгә баландан бәлеш рецебын тәҡдим итәбеҙ.

Баланды таҙартып йыуабыҙ, әҙерәк һыу, шәкәр ҡомо һалып бешереп алабыҙ.
Балан ҡуйы ҡыҙыл, әскелтем баллы булып бешә.
Һыуынған баланды манный ярмаһы менән кисель (крахмал) ҡушып ҡамыр эсенә һалабыҙ. Башҡа емеш-еләк бәлештәре кеүек бешерәбеҙ.
Ҡамырға: 600 гр. он, 150 гр. һыу йә һөт, 150 гр. май, бер йомортҡа, яртышар сәй ҡалағы сода һәм тоҙ кәрәк.
Эслек өсөн: 600 гр. балан, 300 гр. шәкәр ҡомо, 3-әр аш ҡалағы манный ярмаһы һәм кисель (крахмал).
Сәйҙәрегеҙ тәмле, табынығыҙ йәмле булһын!

Фото һәм текст сығанағы: "Файҙалы кәңәштәр" төркөмөнән