Йондоҙнамә

Ылаҡ (22.12 – 20.01)

Ниһайәт, элекке теләгегеҙ бойомға ашып килә һымаҡ. Һуңғы аҙымды ғына яһарға ҡалды. Аҡса мәсьәләһе генә бер аҙ борсоп торор, моғайын. Йомала кеше хаталарын төҙәтергә тура килер.

Һыуғояр (21.01 – 19.02)

Ҡәҙимге, таныш эштәрегеҙ ҙә ауырлыҡ менән барыр. Ҡыйынлыҡтар, ҡаршылыҡтар һәм хаталар һағалауы ла ихтимал. Кешеләрҙең кәңәшенә артыҡ ышанмай, үҙаллы эш итһәгеҙ, барыбер алдан уйлағанығыҙҙы булдыра алырһығыҙ, моғайын.

Балыҡ (20.02 – 20.03)

Аҙна яҡшы башланыр. Әҙ генә тырышлыҡ күрһәтһәгеҙ, бер нисә ҡатмарлы мәсьәләне, артыҡ көс түкмәй, ыңғай хәл итерһегеҙ. Ярҙам һорап мөрәжәғәт итеүселәр ҙә күбәйер, быға әҙер булығыҙ.

Ҡуҙы (21.03 – 20.04)

Бәғзеләр ниндәйҙер яңы эш менән мәшғүл булыр. Башҡаһына ваҡытығыҙ ҡалмаҫ. Шулай ҙа шәхси тормошоғоҙҙа ыңғай үҙгәрештәр асыҡ төҫмөрләнер. Кесе йомала яҡшы яңылыҡтар килер, өмөтлө осрашыуҙар ҙа булыуы мөмкин.

Буға (21.04 – 21.05)

Һеҙҙең тирәләге хәлдәрҙең көтмәгәнсә барыуы ихтимал. Йондоҙҙар ныҡышмалыраҡ булырға ҡуша, юғиһә эштәрегеҙ уңмаҫ. Кемдер ярҙам да эҙләр, бәлки.

Игеҙәктәр (22.05 – 21.06)

Шишәмбенән һуң бөтә эшегеҙ ҡапыл туҡтағандай тойолор. Юҡ-бар өсөн бәхәс килеп сығыуы бар. Шулай ҙа һиҙелерлек юғалтыуҙар булмаҫтыр. Тиҙҙән күңелегеҙ тынысланыр, барыһы ла үҙ яйы менән китер.

Ҡыҫала (22.06 – 23.07)

Аҙнаның тәүге яртыһы күпкә уңышлыраҡ көтөлә. Бер ниндәй ҙә ҡаршылыҡ осрамаҫ. Кесе йомала мөмкинлектәрегеҙҙе дөрөҫ баһалағыҙ. Йомалағы уйламаған осрашыу өмөтлө булыр.

Арыҫлан (24.07 – 23.08)

Ҡаршылыҡтар, буталыштар күбәйер. Кеше кәңәше ярҙам итмәҫ, үҙ тәжрибәгеҙгә таянығыҙ. Кесе йомала ниндәйҙер етди һөйләшеү булыуы мөмкин. Унда элек белмәгәнде ишетерһегеҙ.

Ҡыҙ (24.08 – 23.09)

Осор ҙур үҙгәрештәр, етди ваҡиғалар килтермәҫ тә, моғайын. Шулай ҙа шишәмбе һәм йомала ыңғай ваҡиғалар булыуы ихтимал. Бәғзеләр алға табан бәләкәй, ләкин ышаныслы аҙым яһай алыр.

Үлсәү (24.09 – 23.10)

Мәшәҡәттәрегеҙ күбәйһә лә, был һеҙҙе ҡурҡытмаҫ. Ҡатмарлы эштәр менән булышып, элек белмәгәнде өйрәнерһегеҙ. Кемдер файҙалы бәйләнештәр ҙә булдырыр. Шаршамбыла һирәк осрай торған бәхетле мәл кисерерһегеҙ.

Саян (24.10 – 22.11)

Аҙна барышында бөтөнләй көтөлмәгән ваҡиғалар булыуы ихтимал. Уларҙың зыяны булмаясаҡ, әллә ни файҙаһы ла көтөлмәй. Башығыҙҙа өмөтлө фекерҙәр тыуыр. Бәғзеләр уларҙы шундуҡ тормошҡа ашырырға ашығыр.

Уҡсы (23.11 – 21.12)

Алдығыҙҙа ниндәйҙер яңы мәсьәләләр ҡалҡып сығыр кеүек. Уларҙың һәр береһе һеҙҙән ваҡыт һәм көс талап итер. Шуларҙың ҡайһыларын ваҡытлыса кисектереп торорға ла тура килер. Йомала урынлы кәңәш ишетерһегеҙ.

ӨМӨТБАЙ.

Йәшлек