ЙОНДОҘНАМӘ

 ҠУҘЫ

Аҙнаның тәүге яртыһында ваҡ-төйәк мәшәҡәт артыр. Фекерегеҙҙе яҡларҙан алда башҡаларҙың да һүҙенә ҡолаҡ һалығыҙ. Ремонт эш­тәрен кесаҙнанан башлаһағыҙ, уңыр­һығыҙ. Яңғыҙҙар мөхәббәттә йыуаныс табыр.

БУҒА

Сәфәрҙәргә, осрашыуҙарға бай аҙна. Ғәйбәтселәр әүҙемләшеп, абруйығыҙға тап төшөрөргә теләр. Мөнәсәбәттәрҙе асыҡламаҫҡа, низағлашмаҫҡа тырышығыҙ. Белемде камиллаштырмай тороғоҙ.

ИГЕҘӘКТӘР

Матди мәсьәләләр иғтибары­ғыҙ­ҙы биләр. Бурысҡа аҡса алырға һәм бирергә ашыҡмағыҙ, әүәлге бурыстар тураһында ла иҫкәртмәй тороғоҙ – фәтүәһе булмаҫ.

ҠЫҪАЛА

Ғаиләлеләрҙең үҙ-ара мөнәсә­бә­те бер аҙ киҫкенләшер. Яҡын­дарығыҙ һеҙҙең артыҡ йыуаш бу­лы­уығыҙҙан файҙаланыр. Эштә етәк­селек һеҙҙең вазифаға ҡарамаған бурыс йөкмәтер. Уның ҡарауы, мул ғына аҡса керер.

АРЫҪЛАН

Осор башында һаулығығыҙҙы хәстәрләгеҙ. Сәйәхәт итеү, белемде камиллаштырыу өсөн аҙна ҡу­лай түгел. Яңғыҙ ҡалмаҫҡа тыры­шығыҙ, депрессияға бирелерһегеҙ. Ял көн­дәренә кәйефегеҙ яҡшырыр.

ҠЫҘ

Кәйефегеҙ тотороҡһоҙ булыр, уйланылмаған ғәмәлдәр ҡылып ташлауығыҙ ихтимал. Һөйгән ке­шегеҙ менән ҡунаҡҡа барыуҙан, дуҫтар менән осрашыуҙан баш тартырға кәңәш ителә – көнләшеү арҡаһында низағ­лашырһығыҙ.

ҮЛСӘҮ

Тормоштоң бөтә өлкәләрендә бер аҙ көсөргәнешлек һиҙелер, шуға күрә күңел тыныслығын һаҡларға, аралашҡанда телегеҙҙе тыйырға кәңәш ителә. Кесаҙнанан барыһы ла яйланыр, килемле шөғөл тәҡдим итеүҙәре ихтимал.

САЯН

Сәйәхәтселәр транспортҡа бәйле ҡыйынлыҡтарға осрар, самолет рейсын тотҡарлауҙары, тығында оҙаҡ тороуығыҙ бар. Эшлекле танышыуҙарҙы ла кисектереп тороғоҙ. Йома йоғонтоло кеше ярҙамында маҡсатығыҙға өлгәшерһегеҙ.

УҠСЫ

Һөйөү утында янырһығыҙ. Күп­тән түгел танышҡан кеше ғүмерлек юлдашығыҙ булыуы мөмкин. Ғаи­лә­леләр хыянатҡа барыуы ла ихтимал, әммә бының эҙемтәһе берәүҙе лә ҡыуандырмаҫ.

ЫЛАҠ

Яҡындарығыҙға күберәк ваҡыт бүлегеҙ. Фекерегеҙҙе ҡәтғи яҡла­уы­ғыҙ, дорфалығығыҙ ғаиләгеҙҙең именлегенә янауы бар. Гүзәл зат­тар­ға власты үҙ ҡулына алырға кәңәш ителмәй, мөнәсәбәттәрҙе һуңғы сиккә еткермәгеҙ.

ҺЫУҒОЯР

Һаулығығыҙ үҙе хаҡында белдерер, ныҡлы өҙлөкмәйем тиһәгеҙ, алдан уҡ сараһын күрегеҙ. Эштә лә, өйҙә лә көс-ҡеүәтегеҙҙе самала­ғыҙ. Аҙнаның икенсе яртыһы яҡындарығыҙ менән мөнәсәбәттәрҙе нығытыу өсөн ҡулай. Был ара­ла никахлашҡандарҙы оҙон бәхетле тормош көтә.

БАЛЫҠ

Был аҙнала мөнәсәбәттәрҙә тотороҡһоҙлоҡ һиҙелер. Низағ сығармау өсөн аралашыуҙарҙы мөмкин тиклем сикләргә кәңәш ителә. Балаһы булғандарға бер аҙ борсолорға тура килер.

https://bashgazet.ru/articles/matur-t-en-yaly-y/2022-08-12/yondo-nam-15-21-avgust-2907376