һыуғояр (21.01 – 19.02)
Осор бик һәйбәт башланыр. Ниндәйҙер борсоп торған мәсьәләне хәл итеү мөмкинлеге булыр. Бәғзеләр киләсәккә ҡорған маҡсаттарын асыҡлар. Шаршамбынан һуң аралашыу ҡыйынлашыр. Кесе йомала кемдер дәғүә белдерер.
Балыҡ (20.02 – 20.03)
Үҙ мөмкинлектәрегеҙҙе дөрөҫ баһаламауығыҙ хаталарға килтерер. Күптәр һүҙендә тормаҫ. Шишәмбелә хаталаныуҙан һаҡланығыҙ. Шулай ҙа һуңғы хәлдәрҙән дөрөҫ һығымта яһай алырһығыҙ. Кемдер күптән өҙөлгән араларҙы ялғар.
Ҡуҙы (21.03 – 20.04)
Был арала күптән эсегеҙҙе бошорған ниндәйҙер мәсьәләне ыңғай хәл итерһегеҙ. Тик иңегеҙгә яуаплылыҡ алыуҙан ҡурҡмағыҙ. Бәғзеләрҙең элек һиҙелмәгән яңы һәләттәре лә асылыр. Ҡатмарлы саҡта, бигерәк тә йомала, эске тауышығыҙ мотлаҡ ярҙам итер.
Буға (21.04 – 21.05)
Бик һәйбәт аҙна. Элек башлаған ҡайһы бер эшегеҙҙе тамамларһығыҙ. Хатта уйламаған йүнәлештә уңышҡа ирешерһегеҙ. Бындай хәл бер ҙә осраҡлы түгел, һуңғы ваҡыттағы тырышлығығыҙ һөҙөмтәһе. Кеше араһында бер аҙ маҡтанып алһағыҙ ҙа ярай.
Игеҙәктәр (22.05 – 21.06)
Һеҙҙең тирәләге ваҡиғалар яуаплылыҡ талап итер. Башығыҙға яңы өмөтлө фекерҙәр ҙә килер. Тик уларҙы бойомға ашырғанда үҙ көсөгөҙгә генә таянығыҙ. Шаршамбыла яңылыш яҡын кешегеҙҙе рәнйетеүҙән һаҡланығыҙ. Шәмбеләге хәл күңелегеҙҙе күтәрер.
Ҡыҫала (22.06 – 23.07)
Аралашыуҙа уңырһығыҙ. Ҡайһы бер мөнәсәбәт асыҡланыр. Элек яҡын булмаған кешеләр менән дә уртаҡ тел табырһығыҙ. Кесе йомала ыңғай хәбәр ишетерһегеҙ. Ул ниндәйҙер туғанығыҙ менән бәйле. Шәмбелә уйламаған осрашыу, көтөлмәгән ҡунаҡтар булыуы ихтимал.
Арыҫлан (24.07 – 23.08)
Аҙна көтөлмәгәнсә еңел үтер. Күпселек эшегеҙҙе артыҡ көс түкмәй генә ыңғайлатып ебәрерһегеҙ. Бәғзеләр күптәнге маҡсаттарын тормошҡа ашырыр. Йомала ниндәйҙер өмөтлө тәҡдим ишетерһегеҙ. Уға шунда уҡ ризалыҡ бирһәгеҙ, яңылышмаҫһығыҙ.
Ҡыҙ (24.08 – 23.09)
Һуңғы ваҡиғалар үҙ көсөгөҙгә булған ышанысты мотлаҡ арттырыр. Кемдер хатта элек тотонорға баҙнат итмәгән эште лә башлап ебәрер. Аҙна барышында ҡулығыҙға аҡса инер. Күптән уйлап йөрөгән әйберҙе һатып алырға форсат сығыр.
Үлсәү (24.09 – 23.10)
Бәғзеләрҙә тормошона үҙгәрештәр индереү теләге тыуыр. Бының өсөн уңайлы ваҡыт етмәгән әле. Был арала әллә ни һиҙелерлек ваҡиғалар булмаҫҡа оҡшай. Йондоҙҙар әлегә күберәк ял итергә, киләсәк өсөн рухи һәм физик көс йыйырға кәңәш итә.
Саян (24.10 – 22.11)
Дөйөм хәл башкөлләй эшкә сумырға мәжбүр итер. Был арала мөмкинлектәрегеҙҙе арттыра алмаҫһығыҙ. Шуға иң мөһим мәсьәләләргә генә иғтибар бирһәгеҙ, отолмаҫһығыҙ. Шаршамбыла ниндәйҙер уйламаған хәл килеп сығыуы бар. Бер аҙ аҡса эҙләргә лә тура килер.
Уҡсы (23.11 – 21.12)