ҠУҘЫАҙна байрам мәшәҡәте менән үтер. Яҡындарығыҙ, ғаиләгеҙ иғтибар талап итер. Дуҫтарығыҙ сәйәхәткә саҡырһа, баш тартмағыҙ – бер аҙ ял зыян итмәҫ. Эшҡыуарлыҡ менән шөғөлләнгәндәр, йөкләмәләрҙе теүәл үтәргә, һәр эште ваҡытында башҡарырға тырышығыҙ.
БУҒАБыл аҙнала һаулығығыҙға иғтибар итегеҙ. Һуңғы ваҡытта арып киткән кеүекһегеҙ. Физик көсөргәнеш талап иткән ғәмәлдәрҙе кисектереп тороғоҙ. Дөрөҫ туҡланығыҙ, күберәк йоҡлағыҙ, саф һауала йышыраҡ йөрөгөҙ. Шау-шыулы сараларҙан баш тартыу хәйерле.
ИГЕҘӘКТӘРХеҙмәттәштәрегеҙҙән артыҡ күпте өмөт итмәгеҙ, ҙур талаптар ҡуймағыҙ. Үҙегеҙгә йөкмәтелгән бурыстарҙы ла сит кеше иңенә һалмағыҙ, сөнки уларҙы һеҙҙән дә яҡшыраҡ башҡарыусы табылмаҫ. Шәхси мөнәсәбәттәрҙә барыһы ла яҡшы булыр.
ҠЫҪАЛАХис-тойғоларҙы яйға һалыу өсөн ҡулай аҙна. Туғандарығыҙ, яҡындарығыҙ ҡыуандырып торор. Ҙур ғына бүләк алыуығыҙ ҙа ихтимал. Ярҙам һорағандарға ҡулдан килгәнсә булышлыҡ күрһәтегеҙ. Тиҙҙән үҙегеҙгә лә уларҙың кәрәге тейер.
АРЫҪЛАНБайрам алдынан аҡсағыҙҙы артыҡ сарыфлап ташламағыҙ. Яңы йылда байтаҡ сығым көтөлә. Еңел аҡса эшләргә тәҡдим иткән әҙәмдәргә ышанмағыҙ. Ғаилә ҡороп өлгөрмәгәндәр һөйгәнен осратыуы ихтимал. Күңел асыу сараһында яңы танышлыҡтар киләсәктә тормошоғоҙға ҙур йоғонто яһар.
ҠЫҘЭргәгеҙҙә ҡыҙыҡлы идеяларға, тәҡдимдәргә бай кешеләр күбәйер, моғайын. Улар ярҙамында тормоштоң бөтөнләй икенсе яҡтары менән танышырһығыҙ. Осрашыуҙар, һөйләшеүҙәр уңышлы булыр, мул ғына килем дә алырһығыҙ. Ҡайһы бер мәсьәләләрҙә яҡындарығыҙ ярҙам итер.
ҮЛСӘҮШатлыҡ-ҡыуаныстарға бай аҙна көтөлә. Матди хәлегеҙ күҙгә күренеп яҡшырыр. Көс-ҡеүәтегеҙ, тәрән аҡылығыҙ бөтә мәшәҡәттәрҙе уңышлы еңеп сығырға мөмкинлек бирер. Кәйефегеҙ күтәренке булыр. Алыҫ сәфәргә сығыуығыҙ ихтимал.
САЯНАҙна бик әүҙем башланыр. Мөһим һөйләшеүҙә кәрәкле кеше менән килешә алмаһағыҙ, уны бер аҙға кисектереп тороу хәйерле. Ғаиләгеҙ, яҡындарығыҙ әленән-әле иғтибар талап итер. Аҙнаның икенсе яртыһында йыраҡтан яҡшы хәбәр көтөгөҙ.
УҠСЫАҙна милек мәсьәләләрен яйға һалыу, документтар тултырыу, мөһим килешеүҙәр төҙөү өсөн уңышлы булмаҡсы. Теләгән әйберегеҙҙе лә һатып алыу мөмкинлеге тыуыр. Йондоҙҙар ижади эшмәкәрлек менән шөғөлләнгәндәргә булышлыҡ итер.
ЫЛАҠБелемде камиллаштырыу, дуҫтар менән осрашыу, эшлекле бәйләнештәр булдырыу өсөн ҡулай осор. Эшҡыуарлыҡ менән шөғөлләнеү ҙә ҙур һөҙөмтә бирер. Йоғонтоло кеше менән танышыуығыҙ артабанғы тормошоғоҙҙа ярҙам күрһәтер.
ҺЫУҒОЯРЭш урынын алмаштырыу, яңы партнерҙар табыу, яҡындарығыҙ менән мөнәсәбәттәрҙе яйға һалыу өсөн уңышлы аҙна. Һәләтегеҙҙе үҫтереү мөмкинлеге тыуыр, унан файҙаланып, бөтә оҫталығығыҙҙы күрһәтеп ҡалығыҙ. Коммерция тәҡдимдәренә иғтибар итегеҙ.
БАЛЫҠТормошоғоҙҙа ҡырҡа боролош булыр. Шатлыҡ-ҡыуаныстарға бай ваҡиғалар көтөгөҙ. Тик аҙнаны күңел асыу сараларына ғына ҡайтарып ҡалдырмаһағыҙ ине. Яҡындарығыҙ тураһында ла онотоп ҡуймағыҙ: улар ҙа һеҙҙән иғтибар көтә.
Фото:
m.123ru.net