+1 °С
Ҡар
Бөтә яңылыҡтар
Йондоҙнамә
25 Ноябрь 2019, 18:20
Йондоҙнамә (25 ноябрь - 1 декабрь)
Йондоҙнамә (25 ноябрь - 1 декабрь)
Ылаҡ (22.12 – 20.01)
Аҙна бер аҙ икеле буласаҡ. Башығыҙҙа өмөтлө уй-фекерҙәрегеҙ тыуып торор, ләкин башҡаларҙан терәк-яҡлау табыуы еңел булмаҫ һымаҡ. Тәнҡит һүҙҙәрен дә ишетеүегеҙ бар. Бик борсолмағыҙ, тиҙҙән бар эшегеҙ яңынан урынынан ҡуҙғалып китер.
һыуғояр (21.01 – 19.02)
Үткән ваҡиғалар тураһында артыҡ уйланаһығыҙ кеүек. Уларҙы оноторға ла ваҡыт, юғиһә алға китә алмаҫһығыҙ. Йондоҙҙар осраҡлы кешеләр менән серләшергә ҡушмай. Үҙ эшегеҙ тураһында артығын һөйләмәҫкә тырышығыҙ.
Балыҡ (20.02 – 20.03)
Көтмәгәндә ҡайһы бер һәләтегеҙ асылыр. Шуға күрә тормошоғоҙҙа ниндәйҙер үҙгәрештәр булыуы бик ихтимал. Һиҙелерлек уңышҡа өлгәшә алған осраҡта, үҙ көсөгөҙгә ышанысығыҙ мотлаҡ артыр. Был арала тәжрибәле кешеләрҙән урынлы кәңәш тә ишетерһегеҙ, бәлки.
Ҡуҙы (21.03 – 20.04)
Янығыҙҙағы кешеләр менән бергә эш итеү файҙалыраҡ һымаҡ. Уртаҡ тел табыу ҙа һеҙгә һис тә ауыр булмаҫ. Бәғзеләр кәрәкле танышлыҡ та табыр, моғайын. Һеҙгә ҡарата кемдер артыҡ иғтибар күрһәтә. Ул кешенең ниндәйҙер аҫтыртын маҡсаты бар кеүек.
Буға (21.04 – 21.05)
Аҙна барышында янығыҙҙағы кешеләр менән төрлө дәғүә күбәйеп китер. Төптән уйлағанда, был хәлдә үҙегеҙҙең дә ғәйебегеҙ барҙыр. Тәнҡит һүҙҙәрен дә йыш ҡына тыныс ҡабул итә алмайһығыҙ. Кесе йомалағы ваҡиғалар кәйефегеҙҙе мотлаҡ күтәрер.
Игеҙәктәр (22.05 – 21.06)
Ниндәйҙер ҙур эш башларға тораһығыҙ. Икеләнеүҙәр ҙә барҙыр, моғайын. Йондоҙҙар һеҙҙең яҡта. Барыһы ла һәйбәт буласаҡ. Янығыҙҙа ышаныслы кеше булыуын күрергә тырышығыҙ.
Ҡыҫала (22.06 – 23.07)
Ваҡ-төйәккә көсөгөҙҙө әрәм итмәгеҙ. Күп нәмә ҡулығыҙҙан килер. Был арала бөтә нәмәгә дөрөҫ ҡарашта булырһығыҙ, бер ниндәй ҙә хата ебәрмәҫһегеҙ. Элек бергә эшләгән кешеләр үҙҙәре хаҡында белгертер. Уларҙан өмөтлө тәҡдимдәр ҙә ишетеүегеҙ ихтимал.
Арыҫлан (24.07 – 23.08)
Һәйбәт осор. Тик юҡ-бар мәсьәләләргә генә иғтибар бирмәгеҙ. Ҡасандыр хәл итә алмаған мәсьәләне сисеү юлын да еңел генә табырһығыҙ. Янығыҙҙағы кешеләрҙең ярҙамы кәрәк булыр, һәм һеҙ уны мотлаҡ алырһығыҙ.
Ҡыҙ (24.08 – 23.09)
Барыһы ла яҡшы барыр. Уйлағандан күберәк эште башҡара алырһығыҙ. Килгән аҡса ла урынын табыр – кемдер элекке бурысын ҡайтарыр. Шаршамбынан һуң бәғзеләр сәфәргә сығырға әҙерләнер.
Үлсәү (24.09 – 23.10)
Дүшәмбелә ниндәйҙер кәрәкле һәм файҙалы хәбәр ишетерһегеҙ. Бәғзеләр һуңғы ваҡытта борсоған һорауҙарға асыҡ яуап алыр. Кемдер яҡын киләсәккә маҡсаттар ҡора башлар. Шуны ла иҫегеҙҙә тотоғоҙ: күп осраҡта теләгәнегеҙҙең мөмкинлектәрегеҙгә тура килмәүе лә ихтимал.
Саян (24.10 – 22.11)
Һәйбәт осор. Күптәр өсөн яңы уңайлы мәлдәр тыуыр. Был арала әүҙемлек күрһәткән кешеләр мотлаҡ уңыр. Үҙ көстәренә ышанмағандар, икеләнеп ҡалғандар оҙаҡ үкенер. Үҙ аҡылығыҙ менән йәшәргә тырышығыҙ, янығыҙҙағы кешеләрҙең кәңәштәре ҡамасаулар ғына.
Уҡсы (23.11 – 21.12)
Ҡайһы бер бушағыраҡ урындарығыҙҙы нығыта алырһығыҙ. Кемдер насар ғәҙәттәренән бөтөнләй ҡотолор. Ғөмүмән, күптәр тормошон ыңғай яҡҡа үҙгәртер. Алдығыҙҙа ҡатмарлы мәсьәләләр тыуыр, ҡайһы саҡ күңелегеҙгә ятмаған эш менән дә булышырһығыҙ. Ләкин барыһы ла яҡшы тамамланыр.
Яңылыҡ авторы: Өмөтбай
Читайте нас:
© 2025 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.
Телефон
8(34771) 2-18-50
Электрон почта
Адресы
452880, Аскинский район, с. Аскино, ул. Блюхера, 10
Реклама хеҙмәте
8(34771) 2-20-60
Редакция
8(34771) 2-18-50
Кадрҙар бүлеге
8-34771 (2-19-30)