+12 °С
Ямғыр
Бөтә яңылыҡтар
Йондоҙнамә
20 Сентябрь 2019, 14:09
ЙОНДОҘНАМӘ (23 – 29 сентябрь)
ЙОНДОҘНАМӘ (23 – 29 сентябрь)
ҠУҘЫ
Был аҙнала төп ваҡытығыҙҙы мөһим бәйләнештәрҙе яйға һалыуға һәм дөрөҫ мәғлүмәт алыуға сарыфларһығыҙ, моғайын. Кәңәшмәләр, ҡағыҙ эше күп көтөлә. Тамамланмаған ваҡ-төйәк мәшәҡәттәрҙе ахырына еткерергә кәңәш ителә.
БУҒА
Был аҙнала йылдамлыҡ, сабырлыҡ һәм эске тыныслыҡ кеүек сифаттарҙың кәрәге тейер. Тырышып эшләһәгеҙ, табышты ла күберәк алырһығыҙ. Шулай ҙа яңы эш башлауҙы кисектереп тороғоҙ. Яҡындарығыҙға ҡарата артыҡ талапсан булмағыҙ, үпкәләүҙәре ихтимал.
ИГЕҘӘКТӘР
Күптән теләгән ниәтегеҙҙе тормошҡа ашыра алырһығыҙ, тик үҙегеҙгә ышанысты юғалтмаһағыҙ ине. Ҡатмарлы эштә лә әллә ни ҙур тырышлыҡ һалырға тура килмәҫ, йондоҙҙар ҙа, Йыһан үҙе лә һеҙгә ярҙам иткәндәй тойолор.
ҠЫҪАЛА
Көс-ҡеүәтегеҙ ташып торор, эске тойомлауығыҙ хаҡ ҡарар ҡабул итеүгә булышлыҡ итер. Эргәгеҙҙә алдаҡсылар күбәйгән кеүек, шулай ҙа улар һеҙгә зыян итә алмаҫ. Маҡсатҡа ынтылышты юғалтмаһағыҙ, юғарыраҡ вазифаға үрләү мөмкинлеге бар.
АРЫҪЛАН
Был аҙнала аныҡ план буйынса эшләргә тырышығыҙ. Кәрәкмәгән бәйләнештәрҙән, осрашыуҙарҙан баш тартығыҙ, уларҙың файҙаһы булмаҫ. Ниәттәрегеҙҙе ҡайтанан ҡарап сығығыҙ, улар ысынбарлыҡҡа тап киләме?
ҠЫҘ
Күп эшләргә тура килер. Бының өсөн маҡтау һүҙҙәрен дә, аҡсалата бүләкләүҙәрен дә көтмәгеҙ. Ваҡ-төйәк мәшәҡәттәргә иғтибар итмәгеҙ, иң мөһиме – перспективалы эш-тәҡдимдәрҙе күҙ уңынан ысҡындырмау. Алынған мәғлүмәтте ентекле өйрәнегеҙ һәм һығымта яһағыҙ.
ҮЛСӘҮ
Яңы эш башлау, маҡсатығыҙға ғәҙәти булмаған алым ярҙамында өлгәшеү теләге тыуыр. Тәүәккәл булырға, ваҡытты һуҙмаҫҡа кәңәш ителә. Аралашыуҙарҙа киҫкенлек күҙәтелеүе ихтимал. Борсолмағыҙ, аҙна аҙағына һәр йәһәттән уңырһығыҙ.
САЯН
Эшегеҙҙә уңыштар, шәхси мөнәсәбәттәрҙә күңелле мәлдәр көтөлә. Төп тырышлыҡты коллектив эшмәкәрлеккә һәм ҡыҙыҡлы проекттарға йүнәлтегеҙ. Лидер һәм ойоштороусы булып китеүегеҙ ихтимал. Ҡыйын хәлдәргә иғтибар итмәгеҙ, тәжрибә туплағыҙ.
УҠСЫ
Эшмәкәрлек өлкәһен кинәт алмаштырыуығыҙ бар. Һөҙөмтәлә еңеллек тойорһоғоҙ, икенсе һулышығыҙ асылыр. Был шәхси мөнәсәбәттәрҙә лә сағылмай ҡалмаҫ, оҡшаған кешегеҙҙә үҙегеҙ хаҡында яҡшы тәьҫорат уятырһығыҙ.
ЫЛАҠ
Аҙна күңел асыуҙарға, төрлө осрашыуҙарға бай булмаҡсы. Ишектәрегеҙ ҡунаҡтар өсөн асыҡ булыр. Үпкәләшкән яҡындарығыҙ менән мөнәсәбәттәр ыңғай яҡҡа үҙгәрер. Хәйриә ярҙамы күрһәтеүҙән баш тартмағыҙ, сауабы үҙегеҙгә бик тиҙ әйләнеп ҡайтыр, матди хәлегеҙ яҡшырыр.
ҺЫУҒОЯР
Төрлө авантюраларҙа ҡатнашыу теләге тыуыр. Бөтә ниәттәрегеҙҙең шунда уҡ тормошҡа ашыуын көтмәгеҙ. Эш урынында мәшәҡәттәр тыуып торор. Аҙна барышында финанс мәсьәләһе лә борсор. Аҙыҡ-түлек һатып алғанда яраҡлылыҡ ваҡытына иғтибар итегеҙ.
БАЛЫҠ
Уйланылмаған аҙымдарҙан баш тартығыҙ, юғиһә күңел тыныслығын юғалтырһығыҙ, матди сығымдар ҙа талап ителер. Шәхси тормошоғоҙҙа ыңғай үҙгәрештәр көтөлә. Эш урынында абруйығыҙ артыр. Ҡарарҙарҙы үҙаллы ҡабул итергә тырышығыҙ.
Читайте нас:
© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.
Телефон
8(34771) 2-18-50
Электрон почта
Адресы
452880, Аскинский район, с. Аскино, ул. Блюхера, 10
Реклама хеҙмәте
8(34771) 2-20-60
Редакция
8(34771) 2-18-50
Кадрҙар бүлеге
8-34771 (2-19-30)