Өс нәмәне розетканан һурырға ярамай

Әйтеүҙәренсә, Wi-Fi-роутерҙы, принтерҙы һәм OLED-телевизорҙы. Уларҙы хатта электр утын экономиялар өсөн дә һүндерергә ярамай. Даими электрһыҙ тороу уларҙың боҙолоуына, ҡиммәтле ремонтҡа һәм артыҡ сығымдарға килтереүе ихтимал.

Әгәр Wi-Fi-роутерҙы төндә һүндерһәң, яңынан ҡабыҙғанда өҙөклөктәр килеп сығыуы ихтимал: аҡыллы лампочкалар көйләүҙәрҙе онотасаҡ, ә IP-телефон теркәлеүҙе юғалтасаҡ. Һеҙгә ҡабаттан синхронлаштырыуға ваҡыт сарыф итергә тура киләсәк. Электрҙы экономиялау тураһында уйламағыҙ, сөнки роутер бик аҙ энергия ҡуллана.

Һәр ҡабыҙғанда принтер баҫа торған башын таҙартыу процедураһын башлай, бының өсөн буяу тотонола. Әгәр уны көн һайын селтәрҙән һүндерһәң, картридждар күпкә тиҙерәк бөтәсәк. Әгәр принтер оҙаҡ ваҡыт электр селтәренән туҡланмай торһа, уның торбаларындағы буяуы ҡорорға мөмкин. Уны таҙартыу - ҡиммәтле процедура. Принтер "йоҡлағанда" бик аҙ энергия ҡуллана, уның ҡарауы картридждар һәм ҡоролманының үҙенең ресурсын һаҡлай.

OLED экранлы телевизорҙың технологияһы пикселдәр янып юҡҡа сыҡмаһын һәм һүрәт сифатын һаҡлау өсөн даими хеҙмәтләндереүҙе талап итә. Был таҙартыу циклдары телевизор "йоҡлаған" саҡта автоматик рәүештә башлана. Розетканан вилканы һурып алһаң, ошо процесс туҡтала. Ваҡыт үтеү менән был экранда ҡалдыҡ һүрәттәр һәм тигеҙ булмаған яҡтыртыу барлыҡҡа килтерәсәк. Телевизор оҙағыраҡ хеҙмәт итһен өсөн, пульттағы төймәнән һүндерегеҙ, ә тулыһынса селтәрҙән һурып алмағыҙ.

Автор фотоһы.