Май байрамдарында көн нисек буласаҡ?

Синоптиктар беҙҙе бер ҙә ҡыуандырмай. Хатта баҡсала ла рәхәтләнеп эшләп булмаҫ, моғайын. Сөнки, фаразлауҙарынса, май байрамдарында, йәғни 1, 2, 3, 4 майҙа, көндәр ямғырлы һәм һалҡынса торасаҡ. Етмәһә, еле лә көслө булыр, тип күҙаллайҙар. Бөгөнгө "минус" градус 1 майға "плюс"кә әйләнә әйләнеүен. Тик ямғыр көслө яуғанлыҡтан барыбер йылытмай. Көндөҙ +8 градус тирәһе. Урыны менән бер аҙ юғарыраҡ. 2 майҙа иһә төндә -3 градусҡа тиклем төшөүе ихтимал. Көндөҙ +12-гә етер, бәлки. Ямғыр 4 майғаса туҡтамай, тиҙәр. Әкренләп йылытасаҡ.

Фото: автор фотоһы

Автор:Алһыу Ишемғолова

Йәшлек