21 июлдә кис көнө республикала һауа торошо үҙгәрә башлай. Ҡойма ямғыр, йәшен һәм боҙ-борсаҡ көтөлә.
«Урыны менән ҡыҫҡа ваҡытлы ямғыр, йәшен, көндөҙ урыны менән ҡойма ямғыр, боҙ-борсаҡ. Ел көньяҡтан, көньяҡ-көнбайыштан, тиҙлеге секундына 5-10 метр, йәшен ваҡытында 15-20 метрға етеүе ихтимал», — тип белдерҙеләр министрлыҡ вәкилдәре.
Төндә һауа температураһы 15-20 градус була, көндөҙ һауа 29-34 градусҡаса йылына. 22 июлдә иртән юлдарҙа томан фаразлана.
Өфөлә лә елдең тиҙлеге секундына 16 метрға етеү ихтималлығы һаҡлана. Урыны менән ҡыҫҡа ваҡытлы ямғыр, йәшен. Һауа температураһы төндә 17-19, көндөҙ 30-32 градус.