Журналистар, һеҙҙең өсөн!

Унда матбуғат, телевидение, радио һәм интернет өсөн түбәндәге номинациялар бар:

Махсус проект/йыл акцияһы – гәзиттәр, журналдар, телекомпаниялар, радиокомпаниялар, интернет-проекттар (киң мәғлүмәт сараларынан икәүҙән күберәк түгел);

Иң яҡшы авторлыҡ публикацияһы / тапшырыуы – гәзиттәр, журналдар, телекомпаниялар, радиокомпаниялар, интернет-проекттар (киң мәғлүмәт сараларынан өсәүҙән күберәк түгел);

Иң яҡшы дизайн – гәзиттәр, журналдар, интернет-проекттар;

Иң яҡшы оператор эше/фотограф эше – гәзиттәр, журналдар, телекомпаниялар, интернет-проекттар.

Барлыҡ эштәрҙе конкурсҡа тик электрон рәүештә ruj-2020-sochi@mail.ru адресына ебәрергә кәрәк. Матбуғат баҫмалары – һандарҙың pdf-файл форматында, телевидение һәм радиотапшырыуҙар, вебсайттар материалдарҙы онлайн рәүештә ҡарай алыу мөмкинлеге менән 2020 йылдың 15 октябренә тиклем эшләгән әүҙем ҡайтармалар (ссылка) ебәрә ала.

Киң мәғлүмәт саралары конкурстың бер нисә номинацияһында ҡатнашҡанда һәр береһе өсөн айырым ғариза әҙерләнә.

Ғаризалар 2020 йылдың 10 июленән 2020 йылдың 15 авгусына тиклем ҡабул ителә. Тәҡдим ителгән материалдар 2019 йылдың 15 сентябренән 2020 йылдың 15 авгусына тиклем баҫылырға (эфирға сығырға) тейеш.

Конкурс һөҙөмтәләре форумды тантаналы ябыу сараһында иғлан ителәсәк. Еңеүселәргә Рәсәй Журналистар союзының дипломдары һәм бүләктәре тапшырыласаҡ.

Конкурста форумда аккредитация үткән генә редакция коллективтары һәм киң мәғлүмәт саралары хеҙмәткәрҙәре ҡатнаша ала.

Фото: ruj.ru.