Ялған араҡы һатыусылар тотолдо

Ошо көндәрҙә Өфөлә “Туҡта, суррогат” акцияһы нигеҙендә “Берҙәм Рәсәйҙең Йәш гвардияһы” сираттағы рейд үткәрҙе. “Контроль” проекты әүҙемселәре баш ҡаланың төньяғындағы биш сауҙа нөктәһен тикшерҙе.

Орджоникидзе урамындағы магазин закон менән тыйылған ваҡытта – киске сәғәт 10-дан һуң – йәштәргә араҡы һатҡан. Йәш гвардиясылар кибеткә тәртип һаҡсыларын саҡырта. Туҡталыштағы магазинды тикшереү барышында спиртлы эсемлектәр табылған. Шешәләрҙең бер өлөшөнән акциз маркалары йыртып алынған, тимәк, был алкоголь ялған. Рейд барышында һыра, араҡы һәм шампан шарабы – йәмғеһе 400-ҙән ашыу берәмек тауар – тартып алынған.
Фурманов урамындағы аҙыҡ-түлек магазинын тикшереү һөҙөмтәһендә тәртип боҙоу тураһында протокол төҙөлдө. Магазиндың лицензияһы булмай сыҡты. Уның ҡарауы, ялған алкоголде һатып алыусылар уны сауҙа нөктәһе биләмәһендә үк эскән. Тәртип һаҡсылары унда суррогат араҡы тапты. Һөҙөмтәлә һатыусыға ғына түгел, шулай уҡ араҡыны магазин эргәһендә эскән кешеләргә ҡарата ла протокол төҙөлдө.

Фото: “Берҙәм Рәсәй” төбәк партияһы сайтынан

Автор: Лилиә Дәүләтбәкова

Читайте нас:

© 2025 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм "Республика Башкортостан" нәшриәт йорто акционерҙар йәмғиәте.

Об использовании персональных данных

Телефон

8(34771) 2-18-50

Электрон почта

yantiyak@yandex.ru

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)