Һин дә ирекмән була алаһың

Шул иғтибарға лайыҡ, “3D” – “бәләкәй эштәрҙең” ирекмәндәре” проекты бер йылдан ашыу “Ҡаланы үҫтереү йәмәғәт фонды” тарафынан тормошҡа ашырылды. Маҡсаты – мохтаждарға ярҙам иткән ирекмәндәр командаһын төҙөү.

Проектта бөтәһе 210 ирекмән-мәктәп уҡыусыһы ҡатнашты. Улар өс йүнәлеш буйынса изге эштәрҙе бойомға ашырҙы. Беренсенән, ҡыҙҙар һәм егеттәр ауыр тормош хәлендә ҡалған 210 кешене ярҙамдан өҙмәне. Икенсенән, 12 430 кеше өсөн 324 мәҙәни-ағартыу, мәрхәмәтлек сараһы ойошторҙолар. Өсөнсөнән, биләмәләрҙе төҙөкләндереү өсөн 118 акция уҙғарҙылар.

Конференцияны ойоштороусыларҙың һүҙҙәренә ҡарағанда, Башҡортостанда ирекмәндәр хәрәкәте әүҙем, уларҙың сафы йылдан-йыл арта, һәр үҫмер изге эштәрҙе тормошҡа ашырыуҙы үҙенең бурысы һанай.

Автор: Илдар Аҡъюлов

Автор фотоһы.

https://bash.rbsmi.ru/articles/y-m-i-t/in-d-irekm-n-bula-ala-y/