Ҡатын Асҡын районы урманында юғала. Уны эҙләргә ауылдаштары, ирекмәндәр дәррәү күтәрелә. Туғандарын инәйҙең ҡолағы насар ишетеүе лә бик борсолдора.
Һәм бына, ниһайәт, яҡшы яңылыҡ: инәй табылған! Ул тере! Әлбиттә, асыҡҡан, һыуһаған, өшөгән. Иң мөһиме – иҫән. Уны ҡотҡарыусыларҙың береһе барып тапҡан.
Был ваҡиғала шул шатландыра: бәлә килгәндә беҙҙең халыҡ дәррәү. Ауыл кешеләре лә, ирекмәндәр ҙә кеше ҡайғыһын урап үтмәй, ярҙамға килә. Ә бына өлкән туғандарҙы яңғыҙын урманға шулай ҙа бик ебәрмәйек. Улар балалар кеүек бит.
Фото: “Бәйләнештә” селтәренән. Автор: Әлфиә МИНҒӘЛИЕВА