Балтас районы Тусыбай ауыл клубында студенттар менән осрашыу үтте

Районыбыҙҙың мәҙәниәт усаҡтарында әленән-әле төрлө саралар үтеп тора. Тусыбай ауыл клубы хеҙмәткәрҙәре колледж һәм техникумдарҙа уҡыған студенттарҙың каникул мәле икәнен күҙ уңында тотоп, бик күңелле осрашыу үткәрҙе. Кисәгә 2016-2018 йылдарҙа мәктәптең IX класын тамамлап, төрлө уҡыу йорттарында белем алыусылар килгәйне. Уларҙың бишеһе — I, дүртеһе — II, икеһе III курста белем ала. Ағалы-ҡустылы Илсур һәм Алмаз Ниғәмәевтар — Нефтекама ҡалаһының нефть, Эльдар Зөлҡәров — Өфө автотранспорт, Рәмил Әсхәҙуллин һәм Рүзил Гәрәев — Өфө авиация техникумында, Сулпан Дәүләтова — Нефтекама машина төҙөү, Артур Зарипов һәм Луиза Низамова — Бөрө медицина һәм фармацевтика, Илназ Ҡасимов — Өфө художество-гуманитар, Алһыу Шәймиева — Яр Саллы ҡалаһының педагогия, Радмил Саҙретдинов Башҡорт төньяҡ-көнбайыш колледждарында һөнәр үҙләштерә.

Күңелле осрашыуҙа студенттар өҫтәл артында сәй эсеп, йомаҡтарға яуап эҙләп, күңелле йырҙар башҡарып, бейеп, төрлө ҡыҙыҡлы уйындар уйнап күңел асты.