Бөтә яңылыҡтар
Яңылыҡтар
29 Ноябрь 2018, 12:56

Өфө урамдарында оҙаҡламай ҙур һыйҙырышлы яңы автобустар йөрөйәсәк

Башҡортостан Иҡтисади үҫеш министрлығының матбуғат хеҙмәте хәбәр итеүенсә, автобустар менән тәьмин итеүгә электрон аукциондар 27 ноябрҙә иғлан ителгән. Бөтәһе 100 заманса автобус һатып алыу күҙаллана.


Билдәле булыуынса, транспорт саралары заказсыһы – Башҡортостандың Транспорт һәм юл хужалығы буйынса дәүләт комитеты. Контракт 2019 йылдың 31 декабренә тиклем үтәлергә тейеш.


Дәүләт һатып алыуҙары порталында урынлаштырылған документацияға ярашлы, 74 ҡала автобусы, 26 транспорт ҡала-ара бәйләнеш өсөн буласаҡ.