“Йәш армия”сылар сафына ҡабул ителделәр

Был көн ойошма ағзалары өсөн тәьҫораттарға бай була. “Шундай һөнәр бар – Тыуған илде һаҡлау!” тип аталған акция сиктәрендә ойошторолған сара заманса архитектураһы, матурлығы менән һоҡландырған Конгресс-холда үтә. Бигерәк тә күкрәк билдәһе тапшырылыу мәле ныҡ тулҡынландырғыс була. Байрамды Үҙәк хәрби округының йыр һәм бейеү ансамбле сығышы биҙәй. "Йәш армия"сылар Өфөнөң Салауат Юлаев майҙанында йәштәр акцияһында Почетлы ҡарауыл ротаһының һәм Үҙәк хәрби округының махсус тәғәйенләнештәге подразделениелары сығыштарын, хәрби техника өлгөләрен ҡыҙыҡһынып ҡараны, иҫтәлеккә фотоға ла төштө. "Был сара патриотик рухлы, көслө, аң-белемле булырға этәргес бирә. Өфөлә беҙгә бик оҡшаны", — ти ойошма ағзалары.

Сулпан Ғилметдинова.