Асҡын районы Әмир ауылы халҡы клублы булды

Әмир ауылы халҡы, ниһайәт, клублы булды. Уны асыу тантанаһында районы советы секретары, район ҡатын-ҡыҙҙар советы рәйесе Рима Нәбиуллина, Асҡын мәғлүмәт үҙәге директоры Фәйрүзә Юнысова, Ҡашҡа ауыл Советы биләмәһе башлығы Ҡәнәфи Шакируллин ҡатнашты. Ауылдың йыр-моң һөйөүсе әүҙем халҡы Ололар көнөнә бағышлап, матур байрам әҙерләгәйне. Сара иҫтәлеккә фотоға төшөү, бергәләп сәй эсеү менән тамамланды.