Борай ҡурғандарында кемдәр күмелгән?

Борай ҡурғандарында урындағы халыҡмы, әллә күскенселәр күмелгәнме, тигән һорау әлегә тиклем асыҡ ҡала. Боҫтанай ауылы эргәһендә йәш археологтар ай буйына боронғо ҡәберлекте тикшерҙе. Улар VI-VII быуатҡа ҡараған балсыҡтан һауыт-һаба, биҙәнгестәр һәм ҡоралдарҙың ҡайһы бер өлөшөн тапты. Күптән түгел ҡаҙылмалар һөҙөмтәләре буйынса Өфөлә конференция үтте һәм ҡатнашыусылар иғтибарына табылған әйберҙәр тәҡдим ителде. Ярты йылдан һуң улар музейға ҡуйыласаҡ.