Йәшендән һаҡланыу ҡағиҙәләре

Кисә Башҡортостандың күп райондары буйлап йәшенле ямғырҙар уҙҙы. Көслө ел хужалыҡтарға зыян килтерҙе. Башҡортостандағы Ғәҙәттән тыш хәлдәр министрлығы бөгөн дә халыҡҡа елдең көсәйеүе хаҡында иҫкәртеп, смс-хәбәр ебәрҙе. Шуның өсөн йәшендән һаҡланыу ҡағиҙәләрен хәтергә төшөрөп үтәйек. Ябай хәүефһеҙлек ҡәғиҙәләрен үтәү һеҙҙең һәм һеҙҙең яҡындарығыҙҙың ғүмерен һәм һаулығын һаҡлап ҡаласаҡ.

— Асыҡ урында һәм һыу буйында ҡалырға тырышмағыҙ.

— Асыҡ яланда булһағыҙ, сүгәләп ултырығыҙ ҙа эмбрион рәүешен алығыҙ, аяҡтар бергә булһын.

— Металл әйберҙәргә ҡағылмағыҙ- кеҫәгеҙҙәге асҡыс, ваҡ аҡса һәм башҡа тимер әйберҙәрегеҙҙе бер нисә метр алыҫлыҡҡа һалып тороғоҙ.

— Ағас төбөндә тормағыҙ. Aғac яынан ике -өс метрҙан артығыраҡ араға китеп тороу хәйерлерәк.

— Зонт аҫтында тормағыҙ, ҡулығыҙҙа ҡармаҡ, тырма, көрәк, һәнәк, шампур, мылтыҡ булмаһын, сөнки был әйберҙәр йәшенде үҙенә тарта.

— Кеҫә телефонынан һөйләшмәгеҙ, уны бөтөнләй һүндерегеҙ: ул ебәргән һәм ҡабул иткән радиотулҡындар йәшенде үҙенә йәлеп итеүе бар.

— Электропроводтарға, йәшенде кире ҡағыусы ҡоролмаларға, водостоктарға, антенаға яҡын тормағыҙ.

— Өйҙә булһағыҙ, телевизор, радио, электр һәм газ приборҙарын һүндерегеҙ.Тәҙрә эргәһендә тормағыҙ. Мейескә ут яҡмағыҙ.

— Ямғыр үтеп киткәнен туҡтап торған машина йә автобуста көтөп ултырырға мөмкин. Транспорт сараһы эсенә йәшен үтеп инмәй, тик тәҙрәләрҙе ябырға, радиоприемниктың антеннаһын төшөрөргә кәрәк.

Сулпан Ғилметдинова әҙерләне.

Читайте нас:

© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.

Телефон

8(34771) 2-18-50

Электрон почта

[email protected]

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)