Бөтә яңылыҡтар
Яңылыҡтар
5 Апрель 2018, 13:25

Республика Хөкүмәте йәшәү минимумының яңы дәүмәлен билдәләне

Республика Хөкүмәте премьер-министры Рөстәм Мәрҙәнов Башҡортостан хөкүмәтенең 2017 йылдың IV кварталына уртаса бер ай өсөн йән башына йәшәү минимумы дәүмәлен билдәләү тураһында ҡарарға ҡул ҡуйҙы — 8 318 һум.
Халыҡтың төп социаль-демографик төркөмө өсөн йәшәү минимумы түбәндәгесә: эшкә һәләтле халыҡ өсөн — 8 850 һум, пенсионерҙарға 6 810 һум һәм балаларға — 8 288 һум. Йәшәү минимумы дәүмәле квартал һайын республикала ҡулланыусылар кәрзине нигеҙендә билдәләнә.
«Башинформ» мәғлүмәт агентлығы.