Май еҫтәрен сығарып, бауырһаҡ бешереп алайыҡ

6 йомортҡаны яҡшылап күпертәбеҙ, 0,5 балғалаҡ ҡабартҡыс(разрыхлитель), 1 аш ҡалағы шәкәр ҡомо(өйөп түгел) , 1 семтем тоҙ, иләнгән он ҡушып ҡамыр баҫабыҙ,
Ҡамыр йомшаҡ була. Йомшаҡ булһа ла, ҡулға йәбешмәҫлек булырға тейеш. Өҫтөн ҡаплап бер аҙ ял иттерәбеҙ. Ҡамыр ял иткәндә икенсе һауытҡа шыйыҡ май һалып ҡайнатып һыуытып алабыҙ.
 Ҡамырҙы ваҡ киҫәктәргә бүлеп бауҙар(жгуттар)яһайбыҙ, 3-4 см оҙонлоҡта киҫеп сығабыҙ. Майҙа алһыу төҫкә ингәнсе болғата - болғата бешерәбеҙ.
Бауырһаҡты һалып бешерә башлағанда май бик һалҡын да, бик ҡайнар ҙа булмаҫҡа тейеш.
 Бешеп барған береһен тишекле һауытҡа һалып, майынан һарҡытабыҙ.
💕Бауырһаҡтарығыҙ күпереп уңһын, сәйҙәрегеҙ тәмле булһын!💕

Сығанаҡ:  https://vk.com/bashkortvk?w=wall-33711741_52262