+1 °С
Болотло
Бөтә яңылыҡтар
10
Йәш хужабикәләргә!
20 Июль 2020, 14:32
Һеҙ ҡыярҙы нисек маринадлайһығыҙ?
Уның өсөн биш килограмм ҡыяр, ун тырнаҡ һарымһаҡ, ун бөртөклө ҡара борос, әнис, биш сейә япрағы, 150 миллилитр һеркә, ике аш ҡалағы тоҙ, биш аш ҡалағы шәкәр, биш ҡарағат япрағы, бер лавр япрағы, биш стакан һыу кәрәк.
Башта ҡыярҙарҙы һыуыҡ һыуҙа өс сәғәт тотабыҙ. Шунан банка төбөнә әнисте, бер нисә тырнаҡ һарымһаҡ, бер-ике сейә һәм ҡарағат япраҡтары, лавр япрағы, ҡара бөртөклө борос һалабыҙ. Өҫтөнә тигеҙ генә итеп ҡыяр тултырабыҙ.
Артабан маринад эшләйбеҙ. Кәстрүлгә һыу, тоҙ менән шәкәр һалып ҡайнатабыҙ. Аҙаҡтан һеркә өҫтәйбеҙ. Әҙер маринадты банкаға ҡыяр өҫтөнә ҡойоп 15 минут стерилләйбеҙ. Шунан банкаларҙы ябып, әйләндереп, йылы әйбергә төрәбеҙ.
Ашығыҙ тәмле булһын!
Фото: Namenu.ru
Автор: Рисаля Юмагулова
Читайте нас:
