Сәй эсә беләһеңме?

Сәй – бик файҙалы, антиоксиданттарға бай эсемлек. Әммә уны ла дөрөҫ эсә белергә кәрәк, ти белгестәр, уға ҡайһы бер аҙыҡтарҙы ҡушырға ярамай, тип аңлаталар.

Антиоксиданттар йөрәк-ҡан тамырҙары системаһына ыңғай тәьҫир итә, ҡайһы бер шештәр­ҙең үҫешен тотҡарлай, күреү һәләтен яҡшырта. Тик бөтә сәй­ҙәр ҙә хуш еҫле, файҙалы түгел, ти диетологтар. Сәй ҡыуағының өҫкө өлөшөнән йыйылған япраҡтарҙа туҡлыҡлы матдәләр ифрат күп. Ә ҡалған сеймал икенсе сортҡа ҡарай. Бәләкәй пакеттарҙағы сәй производствонан ҡалған ваҡланған япраҡ бөртөктәренән әҙерләнә. Хатта унда туҙан да булыуы ихтимал.

Диетологтар ҡайнар сәйгә бал һалып бутарға ҡушмай, сөнки юғары температурала балдың фай­ҙалы үҙенсәлектәре юҡҡа сыға. Шулай уҡ һөттө лә күп һалырға ярамай. Баҡһаң, һөт антиокси­данттарҙы нейтрал­ләштерә һәм ашҡаҙан-эсәк эшмәкәрлегенә кире йоғонто яһай икән.

Фото: sunhome.ru