Спорт майҙансығы төҙөргә ниәтләйҙәр

Урындағы башланғыстарҙы яҡлау программаһында ҡатнашыу буйынса үткән йыйында ла абыҙҙар әүҙем булды. Улар бер тауыштан ауылда спорт майҙансығын төҙөү проектын яҡлап сыҡты. Йыйылышта уны тормошҡа ашырыу буйынса инициатив төркөм дә һайланды.
Сәләмәт тормошто алға алған абыҙҙар “Айыҡ ауыл – 2023” республика конкурсының муниципаль этабында ла еңеү яуланы. Республика этабында ла еңеүгә дәртләнгән халыҡ әле айыҡ, сәләмәт тормошто пропагандалап, береһенән-береһе фәһемлерәк, файҙалыраҡ саралар ойоштороп үткәрә. Олоһо ла, йәше лә уларҙа әүҙем ҡатнаша.