Мәрхәмәтлелек – халыҡ ҡанында

Украинала махсус операция башланғандан алып, Башҡортостан даими рәүештә гуманитар ярҙамды Донецк һәм Луганск Халыҡ Республикаларына ебәрә.
Балтас районындағы ойошмалар, шәхси эшҡыуарҙар һәм ябай граждандар үҙҙәренең тораҡ пункттарында ҡалырға мәжбүр булған Донецк һәм Луганск Халыҡ Республикалары халҡына ярҙамға аҙыҡ-түлек һәм кәрәкле йөктәр йыя. Был эш менән Балтас районының «Ғаилә» үҙәге һәм «Берҙәм Рәсәй» партияһы ҡарамағындағы «Беҙҙең хәстәрлек» ирекмәндәр штабы шөғөлләнә. Унда аҙыҡ-түлек, кейем-һалым, шәхси гигиена әйберҙәре һәм башҡа кәрәк-яраҡ әйберҙәр ҡабул ителә.
Балтас район Мәҙәниәт һарайында үткән "Йөрәгемә усаҡ яғып көтәм..." концертынан һәм "Шайморатов Генерал " спектакленән кергән аҡсаларҙың бер өлөшө ярҙам итеп оҙатылды.

Гөлназ Ғәлләмова.