+30 °С
Болотло
Йәмғиәт
31 Май 2021, 04:30
Егеттәр хәрби әҙерлек үтә
Армия хеҙмәтенә саҡырыу йәшендә булған һәр егет үҙен физик яҡтан алдан әҙерләргә тейеш. Был маҡсатта Ҡариҙел районында хәрби уҡыу-ялан йыйындары үткәрелә.
Быйыл Ҡариҙел 2-се урта мәктәбе базаһында үткәрелгән өйрәнеү йыйындарында райондың һигеҙ мәктәбенән 10-сы класта уҡыған 38 егет ҡатнашты.
Йыйын асылыу тантанаһында район хакимиәте башлығы урынбаҫары Р. Вәлинуров, Ҡариҙел һәм Асҡын райондары буйынса хәрби комиссар А. Аксенов, мәғариф бүлеге начальнигы З. Нәжметдинова ҡатнашты. Улар Ватандың буласаҡ һаҡсыларына яҡшы кәйеф, рух һәм физик ныҡлыҡ, сыҙамлыҡ теләне.
Рәсәй Федерацияһы гимны аҫтында дәүләт флагын күтәреү хөрмәте Д. Казаков менән А. Низаметдиновҡа бирелде. Теҙелеүҙә Д. Дәүләтйәнов һәм И. Әбраров етәкселегендә ике взвод ҡатнашты.
Люция Карамова.
