Башта Ҡубияҙ ауылында ҡыҙҙың тыуған йортонда йәштәргә никах уҡыталар. Асҡында ЗАГС бүлегендә никахтарын законлаштырғандан һуң, Солтанай ауылына килен төшә. Рәсимдең тыуған йортонда Алияны йола буйынса ҡаршы алалар, һыу юлы күрһәтәләр. Ике яҡтан да туғандар йыйылып, матур табын әҙерләп, йәштәргә бәхет, мөхәббәт, татыу ғүмер теләп, бүләктәр биреп, матур туй үткәрәләр. Кисәне йәнле итеп, йыр-моң менән биҙәп, Фидания, Рауил һәм Айнур Шәйхетдиновтар алып бара.
Алия һәм Рәсим Рәхимовтарға атай-әсәйҙәрен һөйөндөрөп, туғандарына матур өлгө күрһәтеп, бәхетле, парлы ғүмер кисерергә насип булһын.