Бөтә яңылыҡтар
Тормош һулышы
21 Июнь 2020, 17:15

Бөгөн Атайҙар көнөн билдәләйбеҙ!!!

Атайлы бала — арҡалы, ти халыҡ мәҡәле. Атаһынан яратылған ҡыҙҙар бәхетле, ә атайлы малайҙар ихтыярлы булып үҫә. Атай кеше — ул ғаилә именлеген һаҡлаусы. Балаларыбыҙ атайлы булып үҫһен!

Ҡыҙыҡлы факттар
  • Социаль тикшеренеүҙәр буйынса донъялағы 50 процент бала атайһыҙ үҫә.
  • Европала уртаса — 29, Бойондороҡһоҙ дәүләттәр илдәрендә — 20, ә Һиндостанда 19 йәштә атай булалар.
  • Атайҙар көнөн был көндө Рәсәйҙән башҡа тағы ла 50 илдә билдәләйҙәр.
  • Японияла был байрам Малайҙар көнө тип атала. Был илдә йәшәүселәр ир кешегә хас сифаттарҙы малайҙарҙа бәләкәйҙән тәрбиәләй. Малайҙарға бысаҡ һәм ҡылыс бүләк итәләр.
  • АҠШ-та был көндө, ғәҙәттә, атайҙарға балалары ҡыҙыл розалар бүләк итә.
  • Италияла, Испанияла, Португалияла Атайҙар көнө 19 мартта билдәләнә.
  • Рәсәйҙә оҡшаш байрамдар: ноябрҙең һуңғы ялында — Әсәйҙәр көнө, 28 октябрҙә — Өләсәйҙәр һәм олатайҙар көнө, 8 июлдә Ғаилә, мөхәббәт һәм тоғролоҡ көнө билдәләнә.
  • Байрамда атайҙарға нимә бүләк итергә?
    • Исеме яҙылған һәм фотоһы төшөрөлгән футболка атай өсөн көтөлмәгән һәм иҫтәлекле бүләк булыр.
    • Ғәҙәти булмаған стилдә заказ буйынса эшләнгән ғаилә портреты ла — бик матур һәм тулҡынландырғыс бүләк.
    • Төҙөргә, йыйырға, ағас эшенә оҫта атай өсөн инструменттар йыйылмаһы шәп бүләк булыр.
    • Яратҡан шөғөлдәре буйынса бүләк был көндө ҡәҙерле кешегеҙҙең күңелен күтәрер. Мәҫәлән, спорт, балыҡ ҡармаҡлау, әүҙем ял менән мауыҡҡандарға бүләк һайлау ауыр эш түгел.
    • Илһөйәр Махатова.
      Фотолар интернет селтәренән алынды.
      Читайте нас в