Уңған ҡуллы оҫтабикә Фәридә Шәрәфетдинова ла ҡышҡылыҡҡа төрлө тоҙланмалар, ҡайнатмалар әҙерләгән. Үҙенән артҡанын йәрминкәгә лә биреп ебәргән. Сәскәләр яратыусы Фәридә апай төрлө төҫтәге күп йыллыҡ георгин тамырҙарын да һатыуға ҡуйғайны.
Рәшиҙә апай Хәфизйәнова һөт ризыҡтары алып килгәйне. Ул әҙерләгән май, ҡаймаҡ, эремсекте халыҡ яратып алды. Ауыл мәҙәниәт йортонда эшләүсе Зөлфинә Сәйфуллина ҡайнатмалар, төрлө-төрлө салаттар тәҡдим итте. Солтанбәктәрҙең сауҙаһы ла ҡыҙыу барҙы.