Бөтә яңылыҡтар
Тормош һулышы
12 Июль 2019, 12:16

“Мин үҙем дә был төбәктән!” — тип сәләмләне солтанбәктәрҙе Альфред Хәжимуллин

Район хакимиәтенең Мәҙәниәт, спорт һәм йәштәр сәйәсәте идаралығы начальнигы Альфред Хәжимуллин хеҙмәт юлын уҡытыусы булып Солтанбәк мәктәбендә башлаған. Шуға Альфред Зәүҡәт улының сығышы ла хәтирәләргә бай булды. Шиғри йыйынтыҡтар авторы әйтер һүҙҙәрен, изге теләктәрен шиғри юлдар аша еткерҙе һәм мәктәп музейына яңы донья күргән китаптарын бүләк итте.

Күңел гел дә һеҙгә тарта
Мин үҙем дә был төбәктән.
Бар дуҫтарым, класташтарым,
Һеҙҙең матур Солтанбәктән!
“Ниңә Сарс матур?” — тиеп
Бер генә лә һорашмағыҙ.
Бүләк булып Солтанбәккә
Ағып төшә ул Сураштан.
Ике ауыл — ике күрше
Татыу йәшәй һәр ваҡытта.
Бер-береһенә туған булып
Гүзәл Сарс ҡосағында!
Мәктәбе лә Солтанбәктең
Инде 100 йыл алда бара.
Тәрбиә лә, белем алды
Тиҫтә йылдар бында бала.
Иң алдынғы уҡытыусылар
Эшләнеләр төрлө осорҙа.
Был донъянан киткәндәрен
Һалып була моңло йырға.
Онотмайбыҙ, барығыҙ ҙа
Бөгөн беҙҙең күңелдәрҙә.
Һеҙҙең күңел байлыҡтары
Балаларға өләшелгәндәр.
Йәшә, мәктәп, балҡы, мәктәп!
Һин ауылдың киләсәге.
Һәр уҡыусы һинең өсөн
Был донъяның гөл-сәскәһе.
Һаумыһығыҙ, яҡташтарым,
Һаумыһығыҙ, күреп белгән.
Бөгөн һеҙҙе ҡотларға тип,
Күрше-тирә, дуҫтар килгән.
Һеҙҙе күрһәм эреп бөтә,
Күңелдәге булған таштар.
Байрам менән, дуҫ-иштәрем,
Байрам менән, класташтар!
Альфред Хәжимуллин.
Читайте нас в