Бөтә яңылыҡтар
Тормош һулышы
28 Август 2018, 18:33

Шағир һәм публицист Рәшит Шәкүровҡа «Өфөнөң почетлы гражданы» исеме бирелә

Рәшит Шәкүровҡа «Өфөнөң почетлы гражданы» исеме бирелә. Шағир һәм публицист Башҡортостандың баш ҡалаһын социаль-иҡтисади һәм мәҙәни үҫтереүгә ҙур өлөш индергән, баш ҡаланың һәм республиканың йәмәғәт тормошонда әүҙем ҡатнашҡаны өсөн бүләкләнә. Ошо хаҡта ҡарарҙы ҡала Советы депутаттары шаршамбы, 29 августа ҡабул итә.

Рәшит Закир улы Шәкүров — филология фәндәре докторы, профессор, шағир, публицист, топонимист, филолог, Башҡорт АССР-ының атҡаҙанған мәҙәниәт хеҙмәткәре, Башҡортостан Республикаһының атҡаҙанған фән эшмәкәре, Башҡортостан Республикаһының мәғариф отличнигы, Салауат Юлаев ордены кавалеры.
http://www.bashinform.ru/