Бөтә яңылыҡтар
Тормош һулышы
24 Август 2018, 18:16

Киттең, атай.Ильнара Закирова.

Киттең, атай, беҙҙән йыраҡтарға,

Һалҡын тупраҡ алды һурып.

Их, атайым, һинһеҙ тороп ҡалдыҡ,

Ауыр йылдар алды ҡурып.


Ниңә киттең инде беҙҙе ташлап?

Күҙҙәре гел йәшле әсәйҙең.

Уны яҙмыш ел-дауылдарынан

Араларлыҡ көсөм юҡ минең.


Мин ышанам, рухың беҙҙең хәлде

Баҡый донъя аша күрәлер.

Әсе ҡайғы, йәтим һыҡрауҙары

Бер саҡ шатлыҡ менән түләнер.
Ильнара Закирова. Ҡариҙел районы.