Асҡын районы мәктәптәрендә лә Һуңғы ҡыңғырау байрамы үтте

Бөгөн илебеҙ буйынса иң тулҡынландырғыс һәм онотолмаҫ мәктәп байрамы — Һуңғы ҡыңғырау!

Район буйынса туған мәктәптәре менән 136 XI класс уҡыусыһы хушлаша, 269 уҡыусы IX класты тамамлай. Бөгөн улар өсөн һуңғы ҡыңғырау сыңлай.

Хөрмәтле уҡытыусылар, ата-әсәләр! Ҡәҙерле балалар!

Барығыҙға ла ныҡлы сәләмәтлек, уңыштар теләйбеҙ. Һеҙҙең алда барлыҡ шатлыҡ-ҡыуаныстары, ауырлыҡтары һәм осһоҙ-ҡырыйһыҙ юлдары менән оло тормош асыла. Тәүге уңыштарығыҙҙы, көндәлектәге билдәләрегеҙҙе, дуҫтарығыҙҙы бүләк иткән мәктәбегеҙҙе онотмағыҙ. Һуңғы ҡыңғырау оло тормош юлына башланғыс бирһен, ә алған белемдәрегеҙ яңы һоҡланғыс асыштарға илтһен. Имтихандарығыҙҙы уңышлы тапшырып, дөрөҫ, күңелегеҙгә яҡын һөнәр һайлағыҙ. Артта — мәктәп йылдары, ә алдығыҙҙа — бар ғүмерегеҙ! Һәр берегеҙҙең хыялдары тормошҡа ашһын, ә уңыштарығыҙ уҡытыусыларығыҙ һәм ата-әсәләрегеҙгә рәхмәт булып барһын!

Хәйерле юл, ҡәҙерле сығарылыш уҡыусылары!

"Йәнтөйәк" гәзите коллективы.