Башҡорт рухы тантана итте

Асель Хәйруллина ( етәксеһе М. Накарякова) башҡарыуында “Дуҫым” йыры, “Күк сәскә” балалар баҡсаһы тәрбиәләнеүселәренең (етәксеһе Р. Шәрәфетдинова) “Башҡортостан” йыры, Таһирова Нурзидә (етәксеһе Л. Ғәлиева) һөйләгән “Илемдең киләсәге” (Р. Дихин шиғыры) шиғыры, Арыҫлан Исхаҡов (етәксеһе Г. Ғәлләметдинова) башҡарыуында “Маршрут” бейеүе, Асҡын 2-се урта мәктәбенең 2-се класс уҡыусылары (етәксеһе Р. Сәйәхинурова) башҡарыуында "Башҡортостан- тыуған ерем” йыры, Гүзәл Ғәлимбәкова (етәксеһе Р. Сәйәхинурова) һөйләгән “Урал батыр” эпосынан өҙөк, Упҡанкүл мәктәбе уҡыусыһы Илгиз Әйүпов (етәксеһе З. Мазһарова) башҡарыуында “Илкәйем” “Халҡыма” йырҙары, Асҡын 1-се урта мәктәбенең 6-сы класс уҡыусылары (етәксеһе Гүзәл Ғәлләметдинова)башҡарыуында “Бөрйән” бейеүе, Асҡын 1-се урта мәктәбе уҡыусыһы Искәндәр Зверев ( етәксеһе С. Ғилметдинова) һөйләгән “Төлкө һәм торна “ әкиәте, “Күк сәскә” балалар баҡсаһы тәрбиәләнеүсеһе Айгинә Ғәләүетдинова (етәксеһе Р. Шәрәфетдинова) башҡарыуында “Башҡорт телендә һөйләшәм” йыры, Ҡашҡа мәктәбе уҡыусыһы Салауат Хиләжетдинов (етәксеһе И. Мәснәүиева) һөйләгән үҙе яҙған “ Ҡурайыма” шиғыры, Солтанбәк мәктәбе уҡыусылары Гүзәл һәм Динислам Суфияновтар башҡарыуында “Ҡара юрға” (етәксеһе С. Биккинина, Л. Суфиянова) бейеүе, шайморатовсылар класы уҡыусылары (етәксеһе Э. Ғәйбәҙуллина) башҡарыуында “Шайморатов генерал” йыры күңелдәргә үтеп инеп, ғорурлыҡ, илһөйәрлек, телһөйәрлек хистәре уятты. Концерт программаһын Асҡын 2-се мәктәбенең 9-сы класс уҡыусылары Розалина Хөснуллина менән Ислам Солтангәрәев матур итеп алып барҙы.

Шундай сағыу, рухлы концерт әҙерләүсе уҡытыусыларға һәм ялҡынлы итеп сығыш яһаусы уҡыусыларға ҙур рәхмәт! Бөгөнгө сарала башҡорт рухы, башҡорт теле тантана итте!

Наилә Имаева.