“Оффлайн режимда барыһы – 600, онлайн режимда 150 ҡатнашыусы башҡорт теленән белемдәрен һынаны.
Уҡыусылар, уҡытыусылар, ата-әсәләр быйыл да ҙур теләк менән диктант яҙҙы.
Башҡорт телен яңы өйрәнә башлаусылар булараҡ - 250, башҡорт телендә иркен аралашыусы булараҡ – 300, 50 ҡатнашыусы Башҡорт теленең төньяҡ-көнбайыш диалектында диктант яҙҙы. Ә 50 ҡатнашыусы онлайн режимда белемдәрен тикшерҙе, - тип хәбәр итте район мәғариф бүлегенең туған телдәр буйынса методисы Мөнзилә Солтан ҡыҙы Әхмәтова. Әйткәндәй, мәғариф бүлеге коллективы ла ҙур теләк менән диктант яҙҙы.
Наилә Имаева.