Туған телен һөйгән, хөрмәт иткән кеше
Бар булмышы, күңеле менән була сабыр.
Телем, илем, халҡым ти(е)п ҡылған эше
Ваҡыт даръяһында үҙ урынын табыр.
***
Үҙен башҡортмон тип һанай икән кеше
Яҡшы белә: әсә теле — тыйнаҡ, сабыр.
Уны данлау — йөрәк ҡушҡан эше —
Күңеленә шулай рухи аҙыҡ табыр.
***
Башҡорт милләтенән булған кеше
Үҙ телендәй булыр күркәм, сабыр.
Һөҙөмтәле булыр һәр башҡарған эше —
Асылына ҡайтыр, тамырҙарын табыр.
Илһөйәр Махатова.