Туған телен һөйгән кеше
Булыр ғорур, һүҙгә - сабыр
Гел ырамлы барыр эше
Хеҙмәтенең тәмен табыр
Телем ти(е)п йән ат, кеше
Бирмә һүҙең, бул һин сабыр
Телде һаҡлау – халҡым эше
Теләгән әмәлен дә табыр
Башҡорт рухлы күпме кеше
Араһында күпме сабыр
Булмаһа ла ул төп эше
Телен һаҡлар, юлын табыр
Әсә телен белһен кеше
Ҡотҡоларға булһын сабыр
Башҡорт телен һаҡлау эше
Киләсәктә яҡлау табыр
#БашҡортТелеКөнө2021Марафон
#Аҡмулла #БашҡортТелеКөнө
#Ҡоролтай #Курултай
#ГодБашкирскийИстории
#БашҡортТарихыЙылы
Наилә Имаева.