-13 °С
Болотло
Бөтә яңылыҡтар
Телгенәм — бергенәм
20 Февраль 2021, 18:05
Уҡыусылар тел тураһындағы белемдәрен байытты һәм нығытты
Халыҡ-ара туған телдәр көнө уңайынан Асҡын 1-се урта мәктәбендә бай йөкмәткеле, рухлы саралар ойошторола#Халыҡаратуғантелдәркөнө#Международныйденьродныхязыков
Был көнгә арналып тел уҡытыусылары, башланғыс кластар уҡытыусылары, китапханасылар, класс етәкселәре тарафынан аҙна буйына бай йөкмәткеле саралар ойошторола. Уҡыусылар менән туған тел, уның матурлығы, байлығы тураһында әңгәмәләр, әҙәби-музыкаль композициялар, республикабыҙ шағирҙары һәм яҙыусыларының китаптары күргәҙмәһе, “Туған телеңде беләһеңме?” викторинаһы, “Халҡымдың милли кейеме” һүрәттәр конкурсы үткәрелә. Һәр класта “Тел — халҡымдың тере күңеле” темаһына класс сәғәттәре уҙғарыла.
Бөгөн белем усағының Үҫеш нөктәһе базаһында 6-сы-8-се класс уҡыусылары башҡорт һәм рус телдәрендә халыҡ-ара диктант яҙа.
Асҡын тарих-тыуған яҡты өйрәнеү музейы етәксеһе Әнзирә Ноғоманова 7Б класында “Башҡорт милли кейеме” темаһына бай күргәҙмәлелек менән бик фәһемле һәм ҡыҙыҡлы әңгәмә үткәрә.
Һәр үткәрелгән сарала уҡыусылар әүҙем ҡатнашып, тел тураһындағы белемдәрен байыта һәм нығыта.
Илһөйәр Махатова.
Новости партнеров